TikTok gysga wideo hyzmatynyň topary saýlanan ulanyjylaryň arasynda täzeligini synag edip başlady. Kompaniýanyň habar berşi ýaly, käbir sebitlerde indi kesgitlenen limitlerden ep-esli ýokary bolan wideony ýüklemek mümkinçiligi bar.
Indi çäkli mukdardaky ulanyjylar 15 minut dowam edýän wideony ýükläp biler. TikTok başda gysga wideolar üçin iň belli platforma hökmünde meşhurlyk gazandy, ýöne kem-kemden “uzyn” görnüşli kontenti alyp başlady.
2022-nji ýylyň fewral aýynda kompaniýa iň dowamly wideonyň uzynlygyny üç minutdan 10 minuta çenli artdyrdy. Ozal bu çäk başda 15 sekunt bolanlygyndan köpeldilip, soň 60 sekunta ýetirilipdi.
