Bloomberg-iň habar bermegine görä, öňünden meýilleşdirilýän we ýyllyk hasaplanýan ýangynlar hem-de ýeliň ýoklugy sebäpli Nýu-Delidäki howanyň hiliniň görkezijisi 346-a ýetdi, bu bolsa dünýäniň 110 şäheriniň içinde iň ýokary görkeziji hasaplanýar.
Howada elmydama haýsydyr bir hapalaýjy maddalar bar, ýöne olar hemişe göze görünmeýär. Şweýsariýanyň IQ Air howany arassalaýyş ulgamyny öndüriji kompaniýasy ownuk gaty bölejikleriň (PM2,5) bir kub metrde 296 mikrogram konsentrasiýasyny hasaba aldy. Bu BSGG-nyň 1 kub metr üçin maslahat berýän 15 mikrogram derejesinden 20 esse ýokarydyr. Energetika we çeşmeler institutynyň ylmy işgäri Anju Goeliň pikiriçe, howanyň hiliniň pes bolmagy temperaturanyň peselmegi we ýeliň tizliginiň aşak bolmagy sebäpli ýüze çykýar.
Mumbaçda-da şol görkeziji 177-e ýetdi. Munuň sebäbi ekin ýerlerini arassalamakda möwsümleýin ýangynlar, ulaglardan, gurluşyk işlerinden we kömür bilen işleýän elektrik stansiýalaryndan çykýan hapalar bilen bagly.
Çikago uniwersitetiniň gözlegçileri howanyň ownuk bölejiklerden hapalanmagy hindileriň ömrüni ortaça 5,3 ýyl kemýändigini anykladylar. Hindistanyň hökümeti indi birnäçe ýyl bäri howanyň hapalanmagyna garşy göreşmek üçin birnäçe çäreleri durmuşa geçirýär, emma şu wagta çenli eden tagallalary netijesizligine galýar. Iň soňky girizilen täzelikler hem ygtybarsyz bolmagynda galdy.
