Bloomberg-iň žurnalisti Mark Gurman Apple-iň oktýabr aýynyň ahyrynda täze iMac-y we MacBook Pro -ny yglan etjekdigini habar berdi. Kompaniýa önümlerini aýyň 30-na ýa-da 31-ne görkezer.
Enjamlardaky esasy üýtgeşmäniň täze prosessorlar bolmagyna garaşylýar. Geljekki iMac-y M3, MacBook Pro-ny bolsa M3 Pro we M3 Max bilen enjamlaşdyrarlar. Çipler 3nm tehnologiýa prosessi arkaly öndüriler.
Mundan başga-da, Gurman kompaniýanyň henizem 32 dýuýmlyk iMac-y çykarmagy meýilleşdirýändigini aýtdy. Şeýle-de bolsa, ol bazara 2024-nji ýylyň ahyryndan bäri çykmaz.
Mundan öň DigTimes-yň žurnalistleri Apple -iň 2024-nji ýylda eplenýän iPad öndürip başlajakdygyny aýtdylar. Eger kompaniýa meýilleşdirilen tertibine eýerse, enjamyň yglan edilmegi 2024-nji ýylyň ahyrynda ýa-da 2025-nji ýylyň başynda bolup biler.
