«Huawei» hytaý korporasiýasy elýeterli bahadan eplenýän smartfon çykarmagy meýilleşdirýär. Bu barada «CNET» neşiri habar berýär.
Žurnalistler Revegnus lakamly insaýderiň hasabatyna salgylanýarlar. Awtoryň bellemegine görä, enjam «Pocket» seriýasynyň bir bölegi bolar. Enjamyň esasy eplenýän ekrany we smartfonyň daşynda ýerleşýän goşmaça ekrany bolar.
Çeşme beýleki eplenýän enjamlar bilen deňeşdirilende, onuň arzan boljakdygyny aýtdy. Onuň bahasy 735 dollar ýa-da ondan pes bolar. Telefonyň çykaryljak senesi aýan edilmedi, ýöne Revegnus enjamyň 2024-nji ýylda hödürlenjekdigine ynanýar.
