UFC-niň öňki çempiony Habib Nurmagomedow MMA bilen baglanyşykly ähli zady taşlandygyny aýtdy.
«Kararymy doganlarymyň, dostlarymyň we türgen ýoldaşlarymyň kabul edişi ýaly kabul etmegiňizi haýyş edýärin. Toparymyzyň gazananlary bu sportuň taryhynda hemişelik galar» diýip, türgen belledi.
Habib Nurmagomedow soňky söweşini 2020-nji ýylyň güýzünde amerikaly Jastin Getji bilen geçirdi we onda ýeňiş gazandy. Söweşden soň ol professional karýerasyny tamamlaýandygyny aýtdy. Ol muny ejesine kakasynyň ýoklugynda söweşmezlige söz berendigi bilen düşündirdi. Karýerasyny tamamlandan soň, Nurmagomedow «Eagle FC» promouşenini esaslandyrdy.
Türgen MMA-da 29 söweşe çykyp, olaryň ählisinde ýeňiş gazandy. 2021-nji ýylda «Jemgyýetçilik pikiri» gaznasy tarapyndan geçirilen pikir soraşmanyň netijesinde, Nurmagomedow sportda ýylyň şahsyýeti diýlip ykrar edildi.
