Apple, gürrüňlere görä, iPad boljak çeýe ekranly ilkinji gurluşyny hödürlemäge taýýarlanýar.
Bu innowasion planşet bazarda eýýäm 2024-nji ýylda peýda bolup biler diýip, ferra.ru ýazýar. Eplenýän ekranly Android gurluşlarynyň köpdügine garamazdan, olaryň smartfon bazaryndaky paýy 1%-den hem azdyr.
Eplenýän smartfony döretmegiň deregine, kompaniýa planşete üns bermek kararyna gelen bolmaly. Üpjünçilik zynjyryndaky çeşmeler Apple kompaniýasynyň eplenýän iPad-y işläp taýýarlamak üçin üpjün edijiler bilen işjeň hyzmatdaşlyk edýändigini we onuň kiçi tapgyrlaýyn önümçiliginiň 2024-nji ýylyň ahyrynda başlap biljekdigini habar berýärler. Gurluşyň resmi anonsynyň hem şol wagt bolmagyna garaşylýar.
Häzirki wagtda planşetiň häsiýetli aýratynlyklary barada jikme-jik maglumatlar ýok. Onuň ölçeginiň hem nähili boljakdygy belli däl: ol götermek amatly bolar ýaly eplenip ýa-da işlemek üçin açylyp bilner.
Eplenýän Android gurluşlarynyň adaty gurluşlardan gymmat bolýandygyny göz öňünde tutmak bilen, onuň bahasy-da heniz näbelli bolup galýar.
