Braziliýanyň milli ýygyndysynyň we Saud Arabystanynyň «Al-Hilalynyň» hüjümçisi Neýmar milli ýygyndy üçin geçirilen oýunda bogny üzülme şikesini aldy. Bu barada ESPN X sosial ulgamynda (öňki Twitter) habar berdi.
Türgen 17-nji oktýabrda Urugwaýyň milli ýygyndysy bilen geçirilen 2026-njy ýyldaky dünýä çempionatyna saýlama oýnunda, birinji tapgyryň ahyrynda şikes aldy. Duşuşyk urugwaýlylaryň peýdasyna 2:0 hasabynda tamamlandy. Neýmary futbol meýdançasyndan ýörite ulagly alyp gitdiler.
Ýakyn wagtda onuň dyzyna operasiýa ediljekdigi aýdylýar. ESPN-iň habaryna görä, futbolçynyň saglygynyň dikeltmegi üçin azyndan alty aý wagt gerek bolar.
