Abraýly insaýder «OnLeaks» 91mobiles portaly bilen bilelikde ýakyn wagtda çykjak «Xiaomi 14 Pro» flagman smartfonynyň ýokary hilli render suratlaryny paýlaşdy.
Render suratlara görä, «Xiaomi 14 Pro» käbir ýerleri boýunça öňkülere meňzeş dizaýna eýe bolar, ýöne täzelenen we ulaldylan kamera bölümi, şeýle hem egri gyralary bolmadyk tekiz 2,5D ekrany bilen üpjün ediler. Mundan başga-da, smartfon «Xiaomi 13 Pro-dan» birneme galyň görünýär.
Çeşmä görä, «Xiaomi 14 Pro-nyň» ölçegleri 161,6x75,3x 8,7mm, kamera bölüminiň beýikligi bolsa 13,1 mm bolar.
Bellenilmegine görä, adaty «Xiaomi 14» we «Xiaomi 14 Pro» flagmany 27-nji oktýabrda – «Snapdragon 8 Gen 3» çipiniň tanyşdyryljak «Qualcomm» maslahaty tamamlanandan bir gün soň hödürlener. Şeýlelik bilen, «Xiaomi» täze flagman çipsetiniň esasynda işleýän enjamlaryny tanyşdyran ilkinji öndüriji bolmagy maksat edinýär.
Şeýle hem smartfon galyňlygy bary-ýogy 1 mm bolan iň inçe çarçuwaly ekrana eýedir. Deňeşdirse, «iPhone 15 Pro-nyň» çarçuwasynyň galyňlygy 1,5 mm-dir.
«Xiaomi 14-iň» global wersiýalarynyň 2024-nji ýylyň başyndan soň tanyşdyrylmagyna garaşylýar.
