Halkara ýeňil atletika federasiýasy öz resmi web sahypasynda erkekleriň we aýallaryň arasynda 2023-nji ýylyň iň gowy türgeni diýen ada dalaşgärleriň atlaryny yglan etdi. Sanawda 11 adam bar.
Erkekler: Niraý Çopra (Hindistan, naýza zyňmak), Raýan Krauzer (ABŞ, ýadro zyňmak), Armen Dýuplantis (Şwesiýa, şestli bökmek), Sufýan El-Bakkali (Marokko, päsgelçilikli 3000 metr aralyga ylgamak), Ýakob Ingebrigtsen (Norwegiýa, 1500m / 1 mil / 5000 m), Kelwin Kiptum (Keniýa, marafon), Pirs Lepaž (Kanada, dekatlon), Nua Laýls (ABŞ, 100 m / 200 m), Alwaro Martin (Ispaniýa, pyýada ýöremek), Mitiadis Tentoglu (Gresiýa, uzynlygyna bökmek), Karsten Warholm (Norwegiýa, 400 m päsgelçilikli / 400 m).
Aýallar: Tigist Assefa (Efiopiýa, marafon), Femke Bol (Niderlandlar, 400m / 400m päsgelçilikli), Şerika Jekson (Ýamaýka, 100m / 200m), Fait Kipyegon (Keniýa, 1500m / 1 mil / 5000m), Haruka Kitaguti (Ýaponiýa, naýza zyňmak), Ýaroslawa Maguçih (Ukraina, beýikden bökmek), Mariýa Peres (Ispaniýa, pyýada ýöremek), Gudaf Segaý (Efiopiýa, 5000 m / 10000 m), Şa'Karri Riçardson (ABŞ, 100 m / 200 m), Ýulimar Rohas (Wenesuela, üçürdikläp bökmek), Winfred Ýawi (Bahreýn, päsgelçilikli 3000 metr aralyga ylgamak).
Finalçylar üç taraplaýyn ses bermek arkaly kesgitlener. Bütindünýä ýeňil atletika geňeşiniň we Bütindünýä ýeňil atletika maşgalasynyň wekilleri türgenleri e-poçta arkaly, janköýerler bolsa World Athletics-yň sosial media ulgamy arkaly saýlarlar. Bütindünýä ýeňil atletika geňeşiniň agzalarynyň ses berişliginiň netijesi 50%, Bütindünýä ýeňil atletika maşgalasynyň agzalarynyň we janköýerleriň ses berişliginiň hersi 25% diýip hasaplanar.
Ses bermek 28-nji oktýabrda tamamlanýar. Bu iş tamamlanandan soň, World Athletics 13-nji we 14-nji noýabrda bäş sany zenan we bäş sany erkek finalçynyň adyny görkezer. Ýeňil atletika boýunça ýylyň iň gowy türgenleri diýen ada eýe bolan ýeňijiler 11-nji dekabrda halkara federasiýanyň sosial ulgamlarynda yglan ediler.
