Halkara Olimpiýa komitetiniň Ýerine ýetiriji komiteti flag-futbolyň, kriketiň, lakrossyň, skwoşyň we beýsbolyň/sofbolyň 2028-nji ýylda Los-Anjelesde geçiriljek Tomusky Olimpiýa oýunlarynyň maksatnamasyna goşulýandygyny tassyklady.
«Teklip edilýän bu bäş sport görnüşi Amerikanyň sport medeniýetine doly laýyk gelýär we meşhur amerikan sport görnüşlerini dünýä tanadar. Olaryň goşulmagy Olimpiýa hereketiniň ABŞ-daky we bütin dünýädäki türgenleriň hem-de janköýerleriň täze jemgyýetleri bilen hyzmatdaşlyk etmegine mümkinçilik berer. Şol bir wagtyň özünde, halkara sport görnüşleri hem Amerikanyň Birleşen Ştatlaryna geler» Halkara Olimpiýa komitetiniň Mumbaý şäherinde geçirilen mejlisinde bellenilip geçildi.
2022-nji ýylyň fewral aýynda Halkara Olimpiýa komiteti 2028-nji ýyldaky Tomusky oýunlaryň deslapky maksatnamasyna 28 sport görnüşini goşdy. Oýunlaryň ahyrky maksatnamasy we goşmaça sport görnüşlerindäki kwotalaryň sany soň kesgitlener.
Los-Anjelesde Olimpiýa oýunlary 2028-nji ýylyň 14 – 30-njy iýuly aralygynda geçiriler.
