Türkmenistanly küştçi, halkara derejeli ussat Saparmyrat Atabaýew Eýranda Ahwaz şäherinde 5-11-nji oktýabr aralygynda geçirilen 1st Neyshekar halkara ýaryşynda uly arany açyp, ýeňiş gazandy.
Mümkin bolan 9-dan 7,5 utuk toplap, Saparmyrat iň golaýdaky bäsdeşi — eýranly halkara grossmeýster Masud Musadehpurdan 2 utuk öňe geçdi.
Şeýle hem Saparmyrat grossmeýsterlik normasyny ýerine ýetirdi we FIDE-niň reýting sanawynda türkmen küştçüleriniň arasynda birinji orna çykdy. Onuň 2477 utugy bar.
Saparmyradyň uly dogany halkara derejeli grossmeýster Maksat Atabaýew bu ýaryşda 4,5 utuk toplap, goşmaça görkezijiler babatda 4-nji orny eýeledi.
Indi Saparmyrat şu ýylyň ahyrynda geçiriljek çalt küşt we blis-küşt boýunça dünýä çempionatyna taýýarlyk görer. Bu ýaryşa dünýäniň iň güýçli küştçüleri, şol sanda dünýä reýtinginiň birinji belgisi Magnus Karlsen hem gatnaşar.
