Türkmen döwlet maliýe institutynyň talyby Alp Arslan Begenjow 86 kg çenli agram derejesinde erkin göreş boýunça geçirilen Aziýa çempionatynda üçünji orny eýeledi.
Bişkekde geçirilen yklym ýaryşy 17 ýurtdan 120-den gowrak türgeni bir ýere jemledi.
Medala barýan ýolda Begenjow öz çykyşyna Mongoliýanyň wekili Býambadorž Bat Erdenäni 10:0 hasaby bilen ynamly ýeňmekden başlady. Çärýek final tutluşygynda türkmen türgeni Täjigistandan gelen Bahodur Kodirowy hem şol hasap bilen möhletinden öň ýeňdi.
Begenjow ýarym finalda eýranly pälwan Kamran Gorban Gasempurdan ýeňildi (0:11). Eýranly türgen bolsa finalda hindistanly Mukul Dahiýany ýeňip, Aziýanyň çempiony boldy.
Üçünji orun ugrundaky aýgytly tutluşykda Alp Arslan Begenjow Ýaponiýanyň wekili Ýudai Takahaşi bilen duşuşdy we 10:5 hasaby bilen ýeňiş gazandy.
