DxOMArk saýtynyň synaglarynyň netijesine görä, iPhone 15 Pro Max frontal kameranyň hili boýunça dünýäde iň gowy smartfon boldy.
iPhone 15 Pro Max 114 bal ýygnap, özüniň ýakyn bäsdeşi bolan iPhone 14 Pro-dan dört bal öňe geçdi. Bu smartfonyň ikisiniňem 12 Mp durulykly we f/1.9 diafragmaly birmeňzeş frontal kamera bilen enjamlaşdyrylandygyny göz öňünde tutsaň, uly tapawutdyr diýip, gazeta.ru belleýär.
Saýtyň hünärmenleriniň pikiriçe, iPhone 15 Pro Max gündizine ýokary derejeli durnuklylyk bilen surata düşürilende örän gowy netije berýär hem-de gowy ýitilik çuňlugyny üpjün edýär. Mundan başga-da, smartfonyň frontal kamerasy ýokary hilli durnuklaşdyryş ulgamyna eýe boldy.
Şeýle-de bolsa, smartfonyň kemçilikleri bar: käwagt surata düşürmelerde artefaktlar göze ilýär, şeýle-de hereketde wideo düşürilende kadrlaryň ýitiliginde tapawutlar bar. Hünärmenler ähli surata düşürme şertlerinde sanly galmagalyň bardygyny-da bellediler, ýöne bu ahyrky netijä täsir etmedi.
iPhone 15 Pro Max – 2023-nji ýylyň 12-nji sentýabrynda hödürlenen Apple-iň flagman smartfony. Ol 1,2 müň dollar baha bilen satuwa çykaryldy.
