AnTuTu bençmarkynyň işläp düzüjileri sentýabr aýy üçin Android smartfonlarynyň öndürijilik derejesi boýunça halkara reýtingi hödürlediler. Sanawda birinji orny 1,63 mln bal alan Nubia Red Magic 8 Pro+ geýmer smartfony eýeledi. Bu barada gazeta.ru habar berýär.
Smartfon reýtingiň beýleki ýedi smartfony ýaly Snapdragon 8 Gen 2 flagman çibi bilen üpjün edildi. Onuň yzyndan Asus ROG Phone 7 (1,6 mln) we Xiaomi 13 (1,55 mln) gelýär. Şol bir wagtyň özünde Xiaomi 13 Pro 1,54 mln bal ýygnap, dördünji orny eýeledi.
Bäşinji we altynjy orunlary Samsung Galaxy S23+ (1,52 mln) bilen S23 Ultra (1,52 mln) paýlaşdy. AnTuTu-da 1,47 mln bal ýygnan MediaTek Dimensity 9200+ çipsetli Redmi K60 Ultra flagmany ýedinji orny eýeledi.
Ilkinji onlugy Samsung Galaxy S23 (1,47 mln), One Plus 11 (1,44 mln) we Lenovo Legion Y70 (1,34 mln) smartfonlary jemleýär.
AnTuTu bençmarkynyň global we Hytaýyň bazary üçin reýtingi düýpgöter tapawutlanýar, sebäbi käbir smartfonlar diňe HHR üçin eksklýuziw bolup, halkara bazara çykmaýar.
