«Microsoft» kompaniýasy ABŞ-nyň Salgyt müdirliginiň 29 milliard dollar möçberde tölenmedik salgydyny ondan talap edendigini habar berdi. Bu barada kompaniýanyň onuň salgydyny tölemändigini tassyklaýan edara ýazan arzasynda beýan edilýär.
«Microsoft» teklip edilýän düzediş bilen razylaşmaýar we Salgyt müdirligine ýüz tutar. Bu prosesiň birnäçe ýyl dowam etmegine garaşylýar. Biz Salgyt müdirliginiň düzgünlerini üns bilen ýerine ýetirendigimize we Amerikanyň Birleşen Ştatlarynda, şeýle hem dünýäniň beýleki ýurtlarynda-da talap edilýän salgytlary töländigimize ynanýarys» diýlip, kompaniýanyň arzasynda bellenilýär.
Jedel «Microsoft-yň» 2004 – 2013-nji ýyllar aralygynda dürli ýurtlarda we ýurisdiksiýalarda alan girdejilerine salgyt salynmagy bilen baglanyşykly. Kompaniýa Salgyt müdirliginiň ýetmeýän salgydyň öwezini dolmak talabynda kompaniýanyň ozal tölän 10 milliard dollaryny göz öňünde tutmaýandygyny öňe sürýär.
