Los-Anželesde geçiriljek 2028-nji ýylyň Olimpiýa oýunlarynyň guramaçylyk komiteti ýaryşyň maksatnamasyna sportuň bäş görnüşini goşmagy teklip etdi. Bu barada guramaçylyk komitetiniň resmi web sahypasynda habar berildi.
Guramaçylar Olimpiýa oýunlaryna softbol bilen birlikde baýdak-futboly, kriketi, lakrossy, skwoşy we beýsbol ýaly oýunlary girizmegi teklip etdiler. Täze sport görnüşlerini girizmek baradaky karary Halkara Olimpiýa komiteti (IOC) tassyklar. Ses berişlik 15-17-nji oktýabr aralygynda Hindistanda geçiriljek Halkara olimpiýa komitetiniň indiki mejlisinde bolar.
"Sportuň teklip edilýän görnüşleri oýun meýdançasynda ajaýyp hyýallara atarýar we medeniýeti öňe sürýär. Olar möhüm orny eýeleýär, innowasiýa häsiýetli we jemgyýetçilige gönükdirilen hem-de Amerikanyň Birleşen Ştatlarynyň hemme ýerinde köçede, mekdep howlularynda, jemgyýetçilik merkezlerinde, stadionlarda we seýilgählerde, bütin dünýäde oýnalýar – diýip, Olimpiýadanyň guramaçylyk komitetiniň başlygy Keýsi Wasserman belledi. – Bu görnüşler Oýunlara täze türgenleri getirer, dürli janköýerleri özüne çeker we Olimpiýa oýunlarynyň sanly giňişlikdäki gatnaşygyny giňelder, Olimpiýa oýunlarynyň Los-Anželesdäki deňsiz-taýsyz täsirleriniň wezipesini hasam güýçlendirer".
2022-nji ýylyň fewral aýynda Halkara olimpiýa komiteti Los-Anželesde geçiriljek 2028-nji ýylyň Tomusky oýunlarynyň deslapky meýilnamasyna suw sporty, ýaýdan ok atmak, ýeňil atletika, badminton, basketbol, tigir sürmek, atçylyk, gylyşlaşmak, futbol, golf, sport gimnastikasy, çeper gimnastika, gandbol, dzýudo, küreklemek, regbi-7, ýelkenli sport, atyş, skeýtbording, dyrmaşmak, serfing, stol tennisi, taekwondo, tennis, triatlon, woleýbol we göreş ot üstündäki hokkeý ýaly sportuň 28 görnüşini goşdy.
