Mişlen ýolgörkezijisi: dünýäde iň arzan restoranlary bolan şäherler we ýurtlar saýlandy

Täze gözleg arzan bahadan Mişlen ýyldyzly restoranlarda iýip-içmek üçin iň gowy şäherleri we ýurtlary ýüze çykardy. Bu barada Tengritravel.kz belleýär.

John Lewis Finance kompaniýasy Mişlen ýolgörkezijisinden 16 000 restorany seljerip, myhmanlaryň ortaça 35 ýewro doly derejeli günortanlyk edinmegi üçin amatly bolanlaryny saýlady. 
Ýolgörkezijä diňe Mişlen ýyldyzlary bilen tapawutlanan restoranlar däl-de, eýsem Green Star we Bib Gourmand ýaly beýleki abraýly baýraklara mynasyp bolanlar hem goşuldy.  
Arzan Mişlen restoranlary bolan şäherleriň reýtinginde Tokio bilen Seul öňdebaryjydyr: olaryň her birinde baha we hil gatnaşygy gowy bolan onlarça restoranlar bar. Ýurtlar barada aýdylanda, gözleg ýeňiji hökmünde Italiýany saýlady.
Iň arzan Mişlen ýyldyzly restoranlary bolan ýurtlaryň ilkinji onlugy şeýle görnüşde:

1. Italiýa (230 restoran);
2. Ýaponiýa (177 restoran);
3. Singapur (150 restoran);
4. Fransiýa (140 restoran);
5. Tailand (125 restoran);
6. Ispaniýa (118 restoran);
7. Taýwan (113 restoran);
8. ABŞ (80 restoran);
9. Germaniýa (68 restoran);
10. Hytaý (66 restoran).

Iň arzan Mişlen ýyldyzly restoranlary bolan şäherleriň sanawy şeýle görnüşde:

1. Tokio, Ýaponiýa (77 restoran);
2. Seul, Günorta Koreýa (59 restoran);
3. Osaka, Ýaponiýa (46 restoran);
4. Bangkok, Tailand (43 restoran);
5. Kioto, Ýaponiýa (40 restoran) we Taýbeý, Taýwan (40 restoran);
6. Taýnan, Taýwan (35 restoran);
7. Guançžou, Hytaý (24 restoran);
8. Jorjtaun, Malaýziýa (23 restoran);
9. Taýçžun, Taýwan (22 restoran).