AnTuTu bençmarkynyň işläp düzüjileri Android smartfonlarynyň öndürijiliginiň sentýabr aýy üçin reýtingini neşir etdiler. Sanawda birinji orny eýýäm yzygider ikinji aý OnePlus Ace 2 Pro eýeledi. Bu barada gazeta.ru habar berýär.
AnTuTu bençmarkynda OnePlus Ace 2 Pro-nyň ortaça baly 1,66 mln boldy. Gajet reýtingiň beýleki sekiz smartfony ýaly Snapdragon 8 Gen 2 flagman çibi bilen üpjün edildi. Bu sanawda başga çipli ýeke-täk smartfon iQQQ Neo8 Pro boldy (1,55 mln bal), ol MediaTek Dimensity 9200+ çibine esaslanýar. Smartfon AnTuTu reýtinginde onunjy orny eýeledi.
Ikinji orunda iQQQ 11S (1,64 mln), üçünji orunda RedMagic 8S Pro+ (1,62 mln) ýerleşdi. Olaryň yzyndan iQQQ 11 Pro (1,62 mln) we Vivo X90 Pro+ (1,61 mln) gelýär.
OnePlus Ace 2 Pro bilen köp babatda meňzeş bolan Realme GT5 AnTuTu-da 1,59 mln bal alyp, altynjy orny eýeledi. Oppo Find X6 Pro-nyň ortaça bahasy 1,58 mln bal boldy. Sekizinji we dokuzynjy orunlary One Plus 11 (1,57 mln) we Xiaomi 13 Ultra (1,56 mln) eýeledi. Onlugy, bellenip geçilişi ýaly, iQQQ Neo8 Pro jemledi.
