Ýewropada iň beýik depe hasaplanýan Alp dag gerişleriniň Monblan gerşi soňky 10 ýylda 2,2 metr peseldi. Bu maglumatlar Ýokarky sawoýa bölüminiň gözlegçilerine salgylanmak bilen, France Info radiosy tarapyndan berilýär.
Ölçegler 14-16-njy sentýabr aralygynda topograflar, alymlar we türgenler topary tarapyndan geçirildi, olaryň arasynda fransuz biatletçisi Marten Furkad hem bar. Gözlegleriň netijelerine görä, dagyň häzirki beýikligi 4 805, 59 m.
Bu iş iki ýyldan bir gezek geçirilýär. Gözlegçiler ygalyň we gerşiň üstündäki garlaryň eremeginiň täsiri bilen dagyň beýikliginiň her ýyl birneme üýtgäp durýandygyny bellediler, ýöne häzirki netije gözegçilikleriň taryhynda iň pesi. Şeýlelik bilen, 2001-nji ýylda gözlegçiler dagyň beýikligini 4 810,40 m diýip ýazan bolsalar, şondan bäri 2019-njy ýyla çenli 4 808 m-den aşak düşmedi. Şonda 4 806 m - rekord pes netije görkezildi, ol hatda birnäçe wagtlap aýan hem edilmedi. Deňeşdirmek üçin, dagyň daşly böleginiň, gar we buz “papagyny” hasaba almazdan, beýikligi 4 792 m diýlip çaklanylýar.
