“Al-Nasryň” portugaliýaly hüjümçisi Kriştianu Ronaldu Saud Arabystanynyň ligasynda sentýabr aýynyň iň gowy oýunçysy diýlip saýlandy. Bu barada çempionatyň metbugat gullugyna salgylanyp, gazeta.ru habar berýär.
Ronaldu sentýabr aýynda geçirilen dört oýunda bäş gol salyp, üç netijeli geçirim etdi. Ol saud ligasynda aýyň iň gowy oýunçysy adyna yzygider ikinji gezek mynasyp boldy.
Portugaliýaly oýunçy “Al-Nasra” 2023-nji ýylyň 2-nji ýanwarynda geçdi. Klub bilen şertnama boýunça ol ýylda 200 mln ýewro alar. Şeýle-de, oýunçy we onuň maşgalasy üçin goşmaça bonuslar barada habar berildi.
