Apple ähli Apple Watch Series 0 sagatlaryny bejermegi bes etdi

  • 05.10.2023 09:21
  • 7.8k+

2015-nji ýylda çykarylan birinji nesliň Apple Watch modelleri 30-njy sentýabrda Apple-iň könelişen önümleriniň sanawyna goşuldy. Netijede, bu könelişen Series 0 sagatlary indi Apple Store dükanlarynda we kompaniýanyň ygtyýarly hyzmat merkezlerinde abatlamak ýa-da başga bir hyzmatlar üçin degişli däldir. Bu barada ixbt.com habar berýär.

Könelişen modelleriň sanawyna çykarylan wagty 17 000 dollara çenli bahasy bolan 18 karat altyndan korpusly birinji nesliň Apple Watch Edition sagatlary girýär. Bitewi altyndan bolan Apple Watch sagatlarynyň önümçiligi 2016-njy ýylda bes edildi we 1299 dollar bahaly keramiki Apple Watch Edition bilen çalşyryldy. Programma üpjünçiligi barada aýdylanda, 2018-nji ýylda watchOS 5 arassa altyndan bolan Apple Watch bilen ylalaşyjylygy ýitirdi.
38 we 42 mm ölçegli alýuminden we poslamaýan polatdan bolan asyl nusgadaky Apple Watch sagatlary hem, şol sanda Hermes görnüşi indi köne hasaplanýar.
Apple önümi satuwda ýaýramagyny bes edeninden ýedi ýyldan köp wagt geçen bolsa, tehnologiki taýdan könelişen diýip kesgitleýär. Asyl nusgadaky Apple Watch sagatlarynyň önümçiligi Apple Watch Series 2 we Series 1 modelleri çykandan soň 2016-njy ýylyň sentýabr aýynda bes edildi, şonuň üçin birinji nesil modelleri ýakynda ýedi ýyl möhletden geçdi.


şu gün 10:45
241

“Tanyş görünýär”: Samsung iOS 26-nyň täze funksiýalarynyň anonsy üçin Apple-i ýene ýaňsylady

Samsung-yň amerikan bölümçesi iOS 26-nyň tanyşdyrylyşyna seslenip, bäsdeşini ýene ýaňsylamak mümkinçiligini elden bermedi. WWDC 2025 konferensiýasynyň dowamynda Apple täzelenen operasion ulgamlary we emeli aňa esaslanýan täze funksiýalary hödürledi...

şu gün 10:38
56

Google Chrome täzelenmeleri käbir köne iPhone we iPad modelleri üçin elýeterli bolmaz

Meşhur Google Chrome brauzeri indi köne Apple enjamlarynda täzelenmez. MacRumors portalynyň habar bermegine görä, bu birnäçe iPhone we iPad modellerine degişli bolar. Deslapky maglumatlara görä, geljekki Chrome wersiýalary aşakdaky enjamlary goldamaz: iPhone X; iPhone 8; iPhone 8 Plus; 5-nji nesil iPad; Birinji nesil 9,7 dýuýmlyk iPad Pro; Birinji nesil 12,9 dýuýmlyk iPad Pro...

düýn 12:35
3.9k+

Apple-yň WWDC 2025 tanyşdyrylyşy soňky 10 ýylda iň gysgasy boldy

Apple-iň WWDC 2025 konferensiýasyndaky tanyşdyrylyşy 92 minut dowam etdi – bu soňky on ýylda iň gysga tanyşdyrylyş diýlip, kompaniýanyň resmi YouTube kanalynda habar berilýär. 2015-nji ýyldan 2019-njy ýyl aralygynda tanyşdyrylyşyň dowamlylygy 140 – 145 minut boldy...

11.06.2025 12:56
1.5k+

Xiaomi Apple-yň ýoluna eýerýär: kompaniýanyň indiki operasion ulgamynyň ady HyperOS 26 bolar

Geçen aýyň ahyrynda Bloomberg agentliginiň žurnalisti Mark Gurman Apple-yň operasion ulgamlaryna at beriş düzgünini üýtgetjekdigini aýdypdy. Indi bolsa, Hytaýyň Xiaomi kompaniýasynyň hem şeýle düzgüne geçmäge taýýarlanýandygy mälim boldy...