Teýlor Swiftden soň uly göwrümli film-konserti bolan amerikaly aýdymçy Beýonse bolar. Onuň “Renaissance” atly dünýä syýahatynyň ýazgysy ABŞ-da 1-nji dekabrda prokata çykar diýip, film.ru habar berýär.
Prokata çykaryjy bolup AMC kinoteatrlar tory çykyş eder. Kompaniýanyň ýolbaşçylygy bu maglumaty heniz tassyklamady. Aýtmaklaryna görä, Beýonse konserti sentýabr aýynyň ahyrynda Tehas ştatyndaky öz dogduk şäheri Hýustonda ýazypdyr.
Ýeri gelende bellesek, Teýlor Swiftiň “The Eras Tour” konserti 13-nji oktýabrda bütin dünýä boýunça çykarylar. Analitikler taslamanyň ilkinji uikendde 100 mln dollar girdeji gazanjakdygyny çaklaýarlar, bu hem ähli konsertleriň we dokumental filmleriň arasynda rekord bolar.
