Çikagonyň 104 ýaşly ýaşaýjysy 4100 metrden paraşýutly bökmek bilen, Ginnesiň rekordlar kitabynyň iň garry paraşýutçysy hökmünde şahadatnama almak isleýär. Bu barada MIR24 habar berýär.
Doroti Hoffner Çikagonyň howa menziline ýöremäge kömek edýän enjam bilen geldi. Oňa borta galmaga instruktorlar kömek etdi, şondan soň uçar dört kilometrden gowrak belentlige galdy. Amerikaly böküşini tejribeli paraşýutçy Derek Bakster bilen tandemde ýerine ýetirdi.
Gonuşdan soň Baster böküşden öň garry aýalyň özüni arkaýyn we ynamly alyp barandygyny aýtdy. Hoffneriň özi bolup geçen zatlaryň örän ajaýypdygyny belläp, “ýaşyň – diňe bir sandygyny”, indiki başdan geçirmesiniň bolsa howa şarynda uçuş boljakdygyny sözüniň üstüne goşdy.
Indi ol dünýädäki iň garry paraşýutçy hökmünde Ginnesiň rekordlar kitabyna girmek isleýär. Häzirki wagtda bu titul Şwesiýadan 103 ýaşly Linniýa Ingegard Larssona degişli. Ol 2022-nji ýylyň maý aýynda paraşýutly bökdi. Hoffneriň böküşini gurnan kompaniýa hem Ginnesiň rekordlar kitabynyň amerikalynyň üstünligini rekord hökmünde ykrar etmegine gyzyklanma bildirdi.
