Afinanyň merkezi stadionynda Gün şöhlelerinden ýakylýan Olimpiýa alawy 2024-nji ýylda Günorta Koreýada geçiriljek ýaşlaryň IV gyşky Olimpiýa oýunlarynyň guramaçylaryna gowşuryldy diýip, TASS-yň habarçysy wakanyň bolan ýerinden habar berdi.
Olimpiýa alawynyň ýakylyş dabarasy sişenbe güni 1896-njy ýylda ilkinji döwrebap Olimpiýa oýunlarynyň geçirilen ýeri bolan Afinadaky taryhy, ak mermerli “Panatinaikos” stadionynda geçirildi. Olimpiýa senasy ýaňlandy we Olimpiýa baýdagy galdyryldy. Soňra Günorta Koreýanyň we Gresiýanyň döwlet senalary ýaňlandy we olaryň milli baýdaklary galdyryldy.
Gadymy köýnek we sandal geýen, baş ruhanynyň keşbini ýerine ýetiren grek aktrisasy Gün şöhlelerine gönükdirilen parabolik aýnany ulanyp, Olimpiýa alawyny ýakdy we soňra alaw stadionyň içinden geçen uly bolmadyk estafeta tarapyndan Günorta Koreýada ýaşlaryň gyşky olimpiýa oýunlarynyň guramaçylyk komitetiniň prezidenti Çin Çžon O geçirildi.
Günorta Koreýa ýaşlaryň dördünji gyşky oýunlaryny kabul eder. Birinjisi 2012-nji ýylda Insbrukda (Awstriýa), ikinjisi 2016-njy ýylda Lillehammerde (Norwegiýa), üçünjisi 2020-nji ýylda Lozanna (Şweýsariýa) şäherinde bolup geçdi.
IV gyşky ýaşlar olimpiadasy 2018-nji ýylda Phýonçhanda uly ýaşlylaryň Olimpiýa oýunlaryny kabul eden Kanwondo welaýatynda 19-njy ýanwardan 1-nji fewral aralygynda geçiriler. Bu Aziýada geçiriljek ilkinji gyşky ýaşlar olimpiýa oýunlarydyr.
