K-pop ýyldyzy Lisa özüniň solo aýdymy bilen ajaýyp rekord goýdy. Onuň ilkinji “LALISA” aýdymynyň bi-saýdy bolan “MONEY” aýdymy Spotify-da solo aýdymçysynyň 1 mlrd gezek diňleme görkezijisine ýeten ilkinji K-pop aýdymy boldy. Bu barada Ginnesiň rekordlar kitabynyň saýty habar berýär.
Aýdym akym platformasynda şeýle bir üstünlikli boldy welin, 2021-nji ýylyň 9-njy noýabrynda ol Lisanyň ikinji sola aýdymy hökmünde çykaryldy. Iki ýyldan az wagtyň içinde aýdymçynyň dünýädäki muşdaklary bu aýdymy bir milliard gezekden hem köp diňlediler.
BLACKPINK-däki kärdeşleri Jisu, Jenni we Roze ýaly, Lisa hem sola ýerine ýetirijisi hökmünde uly üstünlik gazandy.
Onuň bir aýda 10,68 mln Spotify diňleýjisi bar, 21-nji sentýabra çenli ýagdaýa görä bolsa, “MONEY” 1 002 683 408 gezek diňleme ýygnady.
Platformada BLACKPINK-iň iň meşhur “How You Like That” aýdymy bolsa şu wagta çenli 855,7 mln gezek diňlenildi.
“MONEY” aýdymy üçin aýdym-saz wideosy hem BLACKPINK-iň YouTube akkauntynda ýerleşdirilen iň meşhur wideolaryň biridir. Bu wideo 904 mln gezek tomaşa edildi.
