“Variety” neşiri “Altyn globus” baýragyndaky täze kategoriýalar barada habar berýär. 2024-nji ýyldan başlap ses berýänler “iň gowy kinematografiki ýa-da boks-ofis üstünligini”, şeýle-de “stendap-komediýada iň gowy çykyşy” saýlap bilerler diýip, film.ru belleýär.
Boks-ofis üçin nominasiýada sekiz dalaşgär bolar: olaryň her biri prokatda azyndan 150 mln dollar ýygnamaly ýa-da striming hyzmatlarynda ýokary netijeleri görkezmeli. “Telewideniýede iň gowy stendap-komediýa çykyşy” üçin baýrak bolsa komigiň adaty stendap-formatdaky iň gowy işi üçin berler. Efir ýa-da kabel telewideniýesindäki, strim-hyzmatlaryndaky we ş.m. çykyşlar hem göz öňünde tutular.
2018-nji ýylda amerikan kinoakademiýasy “Oskara” “iň gowy meşhur film” kategoriýasyny goşmak isledi. Ýöne gijräk bu pikirden ýüz öwürdi.
“Altyn globus – 2024” üçin dalaşgärler 11-nji dekabrda yglan ediler. Baýragyň gowşurylyş dabarasy 7-nji ýanwarda geçiriler.
