Hytaýyň «Huawei» korporasiýasy gymmat bahaly smartfonlaryň täze brendini çykardy. Bu barada «GizmoChina» habar berýär.
Hytaýda geçirilen bir çärede kompaniýanyň ýolbaşçylary «Ultimate Design» brendiniň iň ösen we gymmat bahaly smartfonlary hem-de olar üçin goşmaça esbaplary öz içine aljakdygyny aýtdylar. «Ultimate Design» estetikanyň, ussatlygyň we innowasiýalaryň iň ýokary derejesini özünde jemleýär» diýip, korporasiýada bellenildi.
Smartfonlaryň täze nesliniň ilkinji enjamy «Huawei Mate 60 RS Ultimate Design» boldy. Tanyşdyrylan enjam 6,82 dýuým OLED displeýi, 16 gigabaýt operatiw ýat we 1 terabaýt goşmaça ýat, sekizburçluk şekilinde ýerleşdirilen 48, 48 we 40 megapiksel durulykdaky obýektiwleri bolan üç kamera bilen üpjün edildi.
