«Çeburaşka 2» filminiň üstünde işlenilip başlandy

  • 27.09.2023 18:05
  • 4k+

«Çeburaşka 2» filminiň üstünde işlenilip başlandy we ol 2026-njy ýylyň 1-nji ýanwarynda prokata çykar. Bu barada RIA Nowosti «Rossiýa» teleýaýlymynyň metbugat gullugyna salgylanyp habar berýär.

Režissýor Dmitriý Dýaçenkonyň ýolbaşçylygyndaky birinji filmi döreden topar ikinji bölümde hem işlär. Onuň bellemegine görä, häzirki wagtda filmiň ssenarisi we ýerleri saýlamak boýunça işler alnyp barylýar.
«Rossiýa» teleýaýlymynyň baş direktory Anton Zlatopolskiniň pikiriçe, üstünlikli çykan birinji filmden soň, Çeburaşkanyň başdan geçirmelerini dowam etdirmezlik tomaşaçylaryň öňünde ýalňyşlyk bolardy.
Täze bölümiň sýužeti ilkinji filmdäki wakalardan bir ýyl soň bolup geçer, ýöne Gena bilen ýaşamaga öwrenişen Çeburaşka has garagol bolar we özbaşdak hereket edip başlar.
2023-nji ýylyň 1-nji ýanwarynda ýaýlyma berlen «Çeburaşka» 6,5 ​​milliard rubldan gowrak serişde toplap, ýurduň içerki prokatynyň taryhynda iň köp girdejili film boldy. Oňa kinoteatrlarda 22 milliondan gowrak tomaşaçy tomaşa etdi.

şu gün 22:38
808

78 ýaşly täze zelandiýaly adam 31 minutlap plankada durup, rekord goýdy

Täze Zelandiýadan Meýnard Uilýams 78 ýyl 135 gün ýaşynda plankada 30 minutdan gowrak wagt saklanyp, täze rekord goýdy. Ol bu maşky ýerine ýetiren iň garry erkek adam boldy diýip, Ginnesiň rekordlar kitabynyň saýtynda habar berilýär...

şu gün 22:32
521

Nadalyň “Rolan Garros – 2017-niň” finalyndaky raketkasy rekord pula satyldy

Rafael Nadalyň 2017-nji ýylyň “Rolan Garros” ýaryşynyň finalynda ulanan Babolat raketkasy auksionda 157,3 müň dollara satyldy. Bu häzire çenli tennis raketkasy üçin tölenen iň ýokary mukdardyr diýip, ESPN habar berýär...

şu gün 15:29
4.6k+

Nikon Comedy Wildlife Awards 2025 bäsleşiginiň iň gülkünç suratlary hödürlendi

Ýabany tebigatyň gülkünç suratlarynyň bäsleşigi Nikon Comedy Wildlife Awards 2025-iň guramaçylary fotosuratlary kabul etmegiň tamamlanmagyna bir aýyň galandygyny habar berdi. Şunuň bilen baglylykda, olar soňky aýlarda gelip gowşan iň gülkünç suratlar bilen paýlaşmak kararyna geldi...

şu gün 13:31
1.9k+

Nematod gurçuklarynyň syýahat etmek üçin “janly diň” guruşlary ilkinji gezek wideo alyndy

Maks Plank Jemgyýetiniň Haýwanlaryň özüni alyp barşy institutynyň we Konstans uniwersitetiniň alymlary ýabany tebigatda ilkinji gezek nematodlaryň adaty bolmadyk hereketini hasaba aldylar. Bu gurçuklar wertikal “janly diňler” görnüşinde düzülip, golaýyndan geçýän mör-möjekleriň bedeninde “ýapyşyp” ondan-oňa geçýärler...