Shell kompaniýasy Hytaýyň Şençžen şäherinde dünýädäki iň uly elektromobillere zarýad beriş bekedini açdy. Zarýad beriş bekedi Şençžen howa menziliniň terminalyndan, takmynan, 2,5 km uzaklykda ýerleşip, 258 çalt zarýad beriş nokadyna eýedir. Beket Shell we BYD kompaniýalarynyň bilelikdäki kärhanasy bolan Shenzhen Shell we BYD Electric Vehicle Investment Company Limited tarapyndan dolandyrylýar diýip, ixbt.com habar berýär.
Shell Recharge elektrik bekedi synag döwri her gün 3300-den gowrak elektromobile hyzmat etdi. Elektromobillere zarýad bermekden başga-da, beket Shell Select dükanlaryny, Shell kafesini, söwda awtomatlaryny we sürüjiler üçin dynç alyş otagyny hödürleýär. Beketde gurnalan üçekdäki Gün panelleri ulag serişdelerine zarýad bermek üçin ulanyljak ýylda, takmynan, 300 000 kWt/s gaýtadan dikeldilýän elektrik energiýasyny öndürip biler.
