2023-nji ýylyň başyndan bäri dünýäde tehnologiýa pudagyndaky 236 müňden gowrak işgär işinden aýryldy. Muny Layoffs.fyi portalynyň gözlegleri görkezýär diýip, interfax.ru belleýär.
Maglumatlar 2023-nji ýylyň jemi boýunça tehnologiýa pudagynda işden çykarylýanlaryň sanynyň geçen ýylky görkezijiden ep-esli ýokary boljakdygyny görkezýär. Şeýlelikde, şu ýylyň başyndan bäri 1,019 müň tehnologiýa kompaniýasy 236,495 müň adamy işden çykardy. Geçen ýylyň jemi boýunça 1,024 kompaniýa 154,34 müň işgäri işinden boşatdy diýip, portal habar berýär.
Şol sanda geçen hepde telekommunikasiýa enjamlaryny öndüriji Cisco Systems Inc. 350 işgäriň işden çykarylýandygyny yglan etdi, sentýabr aýynyň başynda bolsa Roku Inc. striming kompaniýasy işgärleriň sanynyň 10% azalýandygyny habar berdi. Geçen ýylyň ahyrynda onuň işgärleriniň sany 3,6 müňe golaýdy.
Şu ýyl işden çykarmalar barada habar beren tehnologiýa kompaniýalarynyň hatarynda Amazon.com Inc., Electronic Arts, Palantir Technologies, Twilio Inc., DocuSign Inc., Salesforce Inc., Zoom Video Communications, eBay, Dell Technologies, PayPal Holdings, International Business Machines, Intel Corp., Microsoft Corp., Alphabet Inc. amerikan kompaniýalary, şeýle-de Germaniýanyň SAP we Şwesiýanyň Spotify Technology kompaniýasy bar.
