Hytaýda geçirilen tanyşdyrylyş dabarasynda Huawei kompaniýasy özüniň MatePad Pro flagman planşetini hödürledi. Bu 13,2 dýuým diagonally uly gajet bolup, “gyradan gyra çenli” ekranly dünýädäki iň inçe we iň ýeňil uly planşet hökmünde kesgitlenýär diýip, ixbt.com habar berýär.
Planşetiň agramy 580 gram, ýogynlygy 5,5 mm, ekranyň çarçuwasynyň ini bary-ýogy 3,4 mm, ekran öňdäki paneliň meýdanynyň 94%-ini eýeleýär. Öndüriji gurluşy agyr we ýogyn bolan 12,9 dýuýmlyk iPadPro bilen deňeşdirýär.
Planşet 2880 x 1920 piksel durulygy we 144 Gs suraty täzeleme ýygylygy bolan çeýe OLED ekrany bilen üpjün edilýär. Enjam binýady Kirin 9000s platformasy boldy. Şeýle-de, gurluş frontal kamera (16 Mp we 3D ToF), esasy kamera (13 we 8 Mp), alty dinamika (iki ýokary ýygylykly we dört pes ýygylykly), 10 100 mA/s sygymly akkumulýatora eýe boldy.
Planşet bilen bilelikde üçünji nesil M-Pencil stilusy hödürlendi. Ol StarLight birikdiriş tehnologiýasyny göterýän ilkinji gurluşlaryň biri bolar.
Huawei MatePad Pro 13.2 üç reňkde – gök, ak we gara reňklerde hödürlenýär.
