OSIRIS-REx zondunyň kapsulasy missiýanyň uçurylyşyndan ýedi ýyldan soň Bennu asteroidinden materiýanyň nusgalary bilen Ýere gaýdyp geldi. Report agentliginiň belleýşi ýaly, bu barada NASA X sosial ulgamynda habar berdi.
Ýere gonuş Ýuta ştatynyň synag meýdançasynda boldy. Syýahatynyň dowamynda zond, takmynan, 6,1 mlrd km ýol geçdi.
OSIRIS-REx zondy soňky döwürde Ýerdäki ýaşaýyş üçin esasy kosmos howplarynyň biri hasaplanan Bennu asteroidiniň (1999 RQ36) üstünden nusgalary ýygnamak boýunça missiýanyň çäklerinde 2016-njy ýylyň sentýabr aýynda orbita üstünlikli çykaryldy. Ol 2018-nji ýylyň dekabr aýynda asman jisimine ýetdi.
2020-nji ýylyň oktýabr aýynda zond Bennu asteroidiniň “Naýtingeýl” adyny alan nokadyna üstünlikli gondy. NASA-nyň enjamy materiýanyň nusgalaryny ýygnap, bort spektroskoplarynyň, kameralaryň we beýleki ylmy gurallaryň kömegi bilen ýakyn aralykdan Bennu asteroidiniň gurluşyny we häsiýetlerini jikme-jik öwrendi. 2021-nji ýylyň ýazynda OSIRIS-REx Bennunyň orbitasyny terk edip, Ýere tarap ýola düşdi.
