Hytaýyň telekommunikasion enjamlary öndürijisi Huawei tutuş dünýäde 120 müňden gowrak awtorlaşdyrylan patent aldy. Bu barada kompaniýanyň metbugat gullugynyň ýolbaşçysy Wan Szýanfen intellektual eýeçilik boýunça 12-nji Hytaý ýyllyk konferensiýasynda aýtdy diýip, interfax.ru habar berýär.
Onuň aýtmagyna görä, bu kompaniýanyň gözleglere we işläp düzmelere üznüksiz maýa goýumlaryna ygrarlygy bilen baglanyşyklydyr. Soňky 10 ýylda kompaniýanyň ylmy-gözleg we tejribe-konstruktor işlerine umumy çykdajysy 977,3 mlrd ýuan ($136 mlrd) boldy diýip, Sinhua agentligi habar berýär.
“2022-nji ýylda, çylşyrymly daşky şertlere garamazdan, Huawei-niň ylmy-gözleg we tejribe-konstruktor işlerine maýa goýumlary 161,5 mlrd ýuana ýetip, satuwlardan gazanylan girdejiniň dörtden bir bölegini emele getirdi” – diýip, Wan Szýanfen belledi.
Şeýle-de, ol kompaniýanyň ylmy-gözleg we tejribe-konstruktor işlerine çykdajylar boýunça dünýäniň tehnologiýa kärhanalarynyň arasynda dördünji orunda durýandygyny belläp geçdi.
Şol bir wagtyň özünde kompaniýa öz innowasiýalaryny dünýä bilen paýlaşýar. Wan Szýanfeniň aýtmagyna görä, Huawei Aziýada açyk başlangyç kodly önümleri iň uly üpjün edijidir.
