“Ordabasy” klubundan Gazagystanyň milli ýygyndysynyň ýarym goragçysy Ashat Tagybergen Halkara futbol federasiýasynyň (FIFA) Ferens Puşkaş adyndaky baýragyna dalaşgärleriň sanawyna goşuldy. Bu barada guramanyň resmi saýtynda habar berilýär diýip, rsport.ria.ru belleýär.
Tagybergen 23-nji martda 2024-nji ýylyň Ýewropa çempionaty üçin saýlama ýaryşynda Gazagystanyň we Daniýanyň milli ýygyndylarynyň arasyndaky oýunda (3:2) tapawutlandy.
Şeýle-de, baýraga dalaşgärleriň sanawyna argentinaly Alwaro Barreal (“Sinsinnati”), kolumbiýaly Linda Kaýsedo (“Real”), paragwaýly Hulio Ensiso (“Braýton”), günorta koreýaly Kan Son Jin (“Seul”), awstraliýaly Sem Kerr (“Çelsi”), urugwaýly Braýan Losano (“Penýarol”), braziliýaly Gilýerme Madruga (“Botafogo Ribeýran-Pretu”), ispaniýaly Iwan Morante (“Rasing”), portugaliýaly Nunu Santuş (“Sporting”) we braziliýaly Beatris Dzaneratto (“Palmeýras”) goşuldy.
