Bentley kompaniýasy we onuň Mulliner bölümi üç tigirli welosipediň çykarylandygyny habar berdiler. Ol bäş ýaşa çenli çagalar üçin niýetlenendir we Mulliner awtoulagynyň dizaýn böleklerini özüne siňdirmek bilen gurlandyr. Bahasy – 595 funt.
Birnäçe dizaýn çözgütleri üç tigirli welosipediň iň kaşaň Bentley modelleri üçin niýetlenen bölüme degişlidigini görkezýär. Mysal üçin, awtoulaglarda ulanylýanlara meňzeş teker diskalarynyň konturlary, hromlanan nyşany we typmakdan goraýan örtükli pedallar bar.
Oturgyjy ýörite welosiped üçin niýetlenendir: ýumşak goýulýan tikin “ulularyň” Bentley-sinden göçürilen. Täze önüm howpsuzlyk kemerleri, Gün şöhlesinden goraýan serpme telär we çagalaryň goşlaryny saklamak üçin sebet bilen enjamlaşdyrylandyr.
Täze Bentley-ni alty aýlykdan bäş ýaşa çenli ýaşajyk sürüjiler ulanyp bilerler. Körpejeler üçin çaga arabasy režimi göz öňünde tutulan we sürüji ulaldygyça welosiped hem transformirlenip, onuň göwresine görä sazlanyp biler.
