Awstraliýa, Hytaý we Ýaponiýa ýaly dünýäniň käbir ýurtlarynda Apple dükanlary eýýäm birnäçe sagat mundan öň açyldy we iPhone 15, iPhone 15 Pro smartfonlarynyň, Apple Watch Series 9, Apple Watch Ultra 2 sagatlarynyň we AirPods Pro nauşnikleriniň resmi satuwy başlady. Bu barada ixbt.com habar berýär.
Bu ýurtlarda täze önümleri öňünden sargyt eden müşderiler wagt tapawudy sebäpli olary eýýäm düýn alyp başladylar diýip, MacRumors ýazýar. Apple kompaniýasynyň täze iPhone 15 we iPhone 15 Pro smartfonlaryny alan muşdaklary Instagram, Twitter, Reddit sosial ulgamlarynda, forumlarda we beýleki sosial ulgamlarda suratlar we ilkinji täsirler bilen paýlaşýarlar.
Dünýäniň ähli ýurtlarynda, esasan, iPhone 15 Pro we iPhone 15 Pro Max modelleri öňünden sargyt edildi, şol sebäpli häzir Apple internet dükanynda bu modeller sargyt edilende, olara oktýabr aýynyň ahyryna ýa-da hatda noýabr aýyna çenli garaşmaly bolar. Adaty iPhone 15 modellerini tapmak beýle kyn däl.
Ýewropada täze önümleriň satuwy ýerli wagt bilen sagat 8:00-da başlar, şondan birnäçe sagat soň satuwlar Demirgazyk Amerikada başlar.
