Apple kompaniýasynyň iň ýokary flagmany AnTuTu bençmarkynda rekord 1,64 million bal gazandy. Bu barada taslamanyň saýtynda habar berilýär diýip, lenta.ru belleýär.
Hyzmatyň wekilleri heniz satuwa çykmadyk iPhone 15 Pro Max smartfonyna baha berendiklerini aýtdylar. Synagda sekiz gigabaýt operatiw we bir terabaýt içerki ýada eýe bolan iň ýokary kuwwatly wersiýa boldy.
Synagyň netijesi boýunça, enjam 1 641 883 bal gazandy. Hususan-da, prosessor 39 müň bal, grafiki tizlendiriji 60 müň bal aldy. A16 Bionic prosessoryna eýe bolan iPhone 15 we 15 Plus smartfonlary heniz bençmarkda synagdan geçirilmedi. 2022-nji ýylyň güýzünde çykarylan iPhone 14 Pro Max bolsa synaglarda 1,47 million bal gazandy.
AnTuTu bençmarkynyň häzirki reýtingine görä, iPhone 15 Pro Max bazarda Apple kompaniýasynyň iň öndürijilikli smartfony boldy. Ýöne jemleýji reýtingde OnePlus Ace 2 Pro we Iqoo 11S ondan öňde durýar – Android enjamlary, degişlilikde, 1,648 we 1,645 million bal gazandylar.
