Ýulian Nagelsman Germaniýanyň futbol boýunça milli ýygyndysynyň täze baş tälimçisi bolar diýip, «Bild» habar berýär.
Germaniýanyň Futbol Assosiasiýasy (DFB) üçin 36 ýaşly hünärmen bilen diňe şertnamanyň soňky jikme-jikliklerini çözäýmek galýar. Hünärmen Ýewro-2024-den öň aýda 400 müň ýewro zähmet haky bilen şertnama baglaşar.
Germaniýanyň milli ýygyndysy Ýewro 2024-ni kabul edýär, şonuň üçin jemleýji tapgyra gönüden-göni gatnaşýar.
9-njy sentýabrda Ýaponiýa bilen geçirilen ýoldaşlyk duşuşygynda haýran galdyryjy ýeňlişden (1:4) bir gün soň 2021-nji ýylyň maý aýyndan bäri bu wezipäni eýelän baş tälimçi Hans-Diter Flik topary terk etdi.
Nagelsman mart aýynda Germaniýanyň çempionlygyny (2022) we Super kubogyny iki gezek (2021, 2022) gazanan topary bolan «Bawariýanyň» baş tälimçisi wezipesinden boşadyldy. Şeýle hem ol «Hoffenhaým» we «Leýpsig» toparlaryny türgenleşdiripdi.
