Apple kompaniýasy iPhone-a birnäçe täze aýratynlyklary getirýän iOS 17-niň köpçülige niýetlenen görnüşini çykardy.
iOS 17-niň esasy aýratynlyklaryndan biri telefon kitabynda kontaktlaryň dizaýny üçin çeýe sazlamalardyr. Indi bir ýazga surat we özboluşly stil, fon we şrift belläp bilersiňiz. Munuň netijesinde telefon kitabyndaky kontaktlar adamlaryň sosial ulgamlardaky profiline meňzeş boldy.
Şeýle hem, iPhone-nyň ulanyjylaryna kontaktlary çalt alyşmaga mümkinçilik berýän NameDrop aýratynlygy bar. NameDrop-y işjeňleşdirmek üçin smartfonlary biri-birine ýakynlaşdyrmaly. Ondan soň ekranlarda aragatnaşyk ibermek we almak baradaky teklipler peýda bolar - ulanyjylar diňe hereketleri tassyklaýmaly bolýarlar.
Apple iOS 17-ä täze uky režimini goşdy. Indi zarýad berlende iPhone-yňyzy keseligine öwürseňiz, ekranda has köp widjet peýda bolar. Widjetler toplumyny “Garaşmak” menýusynda sazlap bolýar.
iMessage indi animasiýa stikerlerini goldaýar. Şeýle hem, hyzmat ulanyjylara habarlar üçin statiki we animasiýa şekillerini özbaşdak döretmäge mümkinçilik berýän gurallar toplumyny aldy. Täze “Aragatnaşykda” aýratynlygy ulanyjy kesgitlenen ugur boýunça iň soňky barmaly ýerine ýetmedik bolsa, iPhone-nyň ulanyjysynyň ýerleşiş maglumatyny ynamdar aragatnaşyklara iberýär.
Beýleki täzelikleriň sanawyna “Ýönekeýleşdirilen giriş”, “Şahsy ses”, “Incognito režimi” we ş.m. ýaly opsiýalar hem girýär.
iPhone SE 2th Generation-niň , iPhone XR-iň, iPhone XS-iň we XS Max-iň, iPhone 11-iň, iPhone 12-niň, iPhone 13-iň, iPhone 14-iň we iPhone 15-iň ulanyjylary iOS 17-i gurup bilerler.
