iPhone 12 smartfony fransuz kadalaşdyryjysynyň talaplaryna jogap hökmünde programma üpjünçiligi täzelenmesini alar. Ozal Fransiýanyň Milli ýygylyk boýunça guramasy enjamyň ýurtda satylmagyny wagtlaýyn gadagan edipdi.
Apple kompaniýasy radiasiýanyň ýokary derejelidigi bilen bagly meseläni çözmek üçin iPhone 12-niň programma üpjünçiligi täzelenmesini çykarar. Tehniki ägirdiň wekilleri bu barada Reuters-e habar berdi.
“Fransuz düzgünleşdirijileriniň teswirnamasyny ýerine ýetirmek üçin Fransiýadaky ulanyjylaryň programma üpjünçiligini täzeläris. IPhone 12 -niň Fransiýada gaýtadan elýeterli bolmagyna sabyrsyzlyk bilen garaşýarys "-diýip, Apple-de mälim etdiler.
Şu hepde Fransiýanyň Milli ýygylyk boýunça guramasy (ANFT) siňdirişiň derejesiniň bellenen çäkden geçmegi bilen ýurtda iPhone 12-ni satmagy wagtlaýyn gadagan etdi.
Görkeziji bir sekuntda adam bedeniniň dokumalaryna siňýän elektromagnit meýdanynyň energiýasyny kesgitleýär. Ol jübi telefonlarynyň adamlara ýetirýän zyýanly täsirlerini ölçemek üçin ulanylýar.
