Şwesiýaly ýeňil atletikaçy Arman Dýuplantis Brilliant ligasynyň finalynda şestli bökmekde täze dünýä rekordyny goýdy. Ýaryş ABŞ-nyň Oregon ştatynyň Ýujin şäherinde geçirildi.
Dýuplantis 6,23 metr belentlikde plankadan geçdi. Ol geçen ýylyň iýulynda dünýä çempionatynda goýlan öz üstünligini (6,21 metr) täzeledi. 2023-nji ýylyň 25-nji fewralynda ýapyk binada Dýuplantis 6,22 metr belentligi aldy.
23 ýaşly Dýuplantis karýerasynda ýedinji dünýä rekordyny goýdy. Ol Olimpiýa çempionydyr, türgen iki gezekden dünýä we Ýewropa çempionatlarynda ýeňiji boldy.
