«Al-Nasryň» portugaliýaly hüjümçisi Kriştianu Ronaldu eýran klubundan haly sowgat aldy.
Futbolçy saud klubunyň düzüminde Aziýanyň çempionlar ligasynyň şu gün, 19-njy sentýabrda geçiriljek we Aşgabat wagty bilen 23:00-da başlajak “Persopolis” bilen oýny üçin Tährana geldi. Howa menzilinde eýran toparynyň wekilleri Ronalduwa haly sowgat etdiler.
TarafdariIR portalynyň habar bermegine görä, “Persopolisiň” prezidenti Reza Darwiş Ronalduwa we “Al-Nasryň” beýleki oýunçylaryna internete çäksiz elýeterlilik bilen ýörite sim-kartalaryň berlip bilinjekdigini aýtdy.
