Şu gün, 19-njy sentýabrda Nýu-Ýorkda BMG-niň Baş Assambleýasynyň 78-nji mejlisiniň çäklerinde ýokary derejedäki hepdelik açylýar. Bu çärä däp boýunça döwlet Baştutanlary, premýer-ministrler, daşary işler ministrleri, halkara guramalaryň wekilleri ýygnanýar. Ýokary derejedäki hepdelik 19-23-nji sentýabr aralygynda hem-de 26-njy sentýabrda geçiriler. Belläp geçsek, bu hepdelige Nýu-Ýorka sapar bilen baran Türkmenistanyň Prezidenti Serdar Berdimuhamedow hem gatnaşýar.
Koronawirus pandemiýasy başlany bäri, ilkinji gezek ýokary derejedäki hepdelik hiç hili arassaçylyk çäklendirmeleri bolmazdan geçirilýär. Hepdelige gatnaşyjylar çärelerde janly çykyş etmeli, wideoýüzlenmelere rugsat berilmeýär.
Ýokary derejeli hepdeligi 78-nji mejlisiň başlygy Dennis Frensis we BMG-niň Baş sekretary Antoniu Guterriş umumysyýasy çekişmeleriň çäklerinde açarlar. Ondan soňra, däp boýunça ilkinji bolup, Braziliýanyň prezidenti Luis Inasio Lula da Silwanyň çykyşy bolar. Ondan soň ABŞ-nyň prezidenti Jo Baýden söz sözlär. Şeýle hem bu gün Ukrainanyň Prezidenti Wladimir Zelenskiýnyň çykyş etmegine garaşylýar. Şu gün meýilleşdirilýän çykyşlardan Eýranyň, Gazagystanyň we Gyrgyzystanyň Prezidentleriniň çykyşlary bar.
