UEFA-nyň howandarlygyndaky oýunlar indiki hepdäniň ahyryna çenli bir minut dymyşlyk bilen başlar

  • 15.09.2023 17:37
  • 13k+

Ýewropanyň Futbol assosiasiýalarynyň birleşiginiň (UEFA) howandarlygynda geçirilýän milli ýygyndylaryň we klub ýaryşlarynyň oýunlary indiki hepdäniň ahyryna çenli Marokkodaky ýertitremäniň we Liwiýadaky suw joşmasynyň pidalarynyň hatyrasyna bir minut dymyşlyk bilen başlar. Bu barada guramanyň X sosial ulgamyndaky resmi akkauntyna salgylanyp, rsport.ria.ru habar berýär.

9-njy sentýabra geçilýän gije Marokkoda 6,9 bal ululykda ýertitreme boldy. Onuň merkezi Marrakeşden 80 km uzaklykda, on km çuňlukda ýerleşýär. Ondan soň 4,8, 3,4, 3,2 we 3,3 bal ululykdaky azyndan dört ýertiremesi boldy. Ölenleriň sany 2,9 müň adamdan geçdi.
Liwiýanyň gündogarynda “Daniel” siklony netijesinde bolan suw joşmasynyň pidalarynyň sany 5,3 müň adamdan geçdi, birnäçe müň adam dereksiz ýiten diýlip hasaplanylýar. Ýurduň gündogaryndaky Susa we Derna şäherleri tebigy betbagtçylygyň zolaklary diýlip yglan edildi.


şu gün 16:39
4.7k+

Çempionlar ligasynyň täze toplary gijeki asmandan, kosmosdan we demirgazyk şapagyndan ylham alyp döredildi

Ýewropa futbol assosiasiýalarynyň birleşigi (UEFA) 2025/26 möwsüminiň erkekler we zenanlar Çempionlar ligasy üçin täze resmi toplaryny hödürledi. Täze modeller ýaryşyň umumy tapgyrynda ulanylar. Erkekler Çempionlar ligasy üçin top gök we altyn nagyşlar bilen bezeldi...

düýn 14:29
8.1k+

Türkmenistan CAFA Milletler kubogynda Gyrgyzystan, Özbegistan we Oman bilen duşuşar

Merkezi Aziýanyň Futbol Assosiasiýasynyň (CAFA) Milletler kubogynyň toparçalaýyn tapgyrynyň oýunlarynyň tertibi resmi taýdan mälim edildi. Bu barada CAFA-nyň metbugat gullugy habar berýär. CAFA-nyň Milletler kubogy taryhda ikinji gezek geçirilýär...

24.08.2025 16:45
5.2k+

«Barselona» üçünji egin-eşik toplumyny hödürledi: Klub 11 ýyldan bäri ilkinji gezek mämişe reňke dolanar

«Barselona» futbol kluby 2025/26 möwsüm üçin üçünji egin-eşik toplumyny görkezdi. Hansi Fligiň topary 2014/15 möwsüminden bäri ilkinji gezek mämişi köýnekçede meýdana çykar. Klub taryhynda bu reňk sekizinji gezek ulanylar...

23.08.2025 18:33
21k+

Tramp 2026-njy ýylyň futbol boýunça dünýä çempionatynyň bijeleriniň çekiljek senesini we ýerini aýtdy

ABŞ-nyň Prezidenti Donald Tramp 2026-njy ýylyň futbol boýunça dünýä çempionatynyň bije çekişiginiň 5-nji dekabrda Waşingtonyň Kennedi adyndaky Ýerine ýetiriş sungat merkezinde geçiriljekdigini habar berdi. Ol muny FIFA-nyň prezidenti Janni Infantinonyň gatnaşmagynda Prezidentiň iş otagyndan ýörite ýüzlenme bilen aýtdy...