1952-nji ýyldan bäri geçirilip gelinýän «Älem gözeli» gözellik bäsleşigi indi gyzlaryň ýokary ýaş çäklendirmesini aradan aýyrdy. Ozal gatnaşyjylar üçin ýaş çäklendirmesi bardy – 28 ýaş. Düzgünnamadaky üýtgeşmeler barada häzirki Älem gözeli, amerikaly R’Bonni Gabriel Nýu-Ýorkda geçirilen Moda hepdeliginiň çäklerindäki «Tanner Fletcher» brend sergisinde yglan etdi.
Gabrieliň aýdanlaryndan soň, «Älem gözeli» guramasy özüniň «Instagram» sosial ulgamyndaky sahypasynda şeýle mazmunly beýany çap etdi.
Beýanda çäklendirmeleriň ähli «Älem gözeli» bäsleşiklerinde we onuň bilen baglanyşykly bäsleşiklerde ýatyrylandygy yglan edildi.
«Bu üýtgetme 2024-nji ýylda bütin dünýäde geçiriljek ýaryşlara degişlidir. Şu pursatdan başlap dünýädäki her bir uly ýaşly zenanyň «Älem gözeli» bäsleşigine gatnaşmaga hukugy bardyr» diýlip, habarda bellenilýär
R’Bonni Gabrieliň özi 29 ýaşyndadyr we bu ýaryşyň iň uly ýaşly ýeňijisidir. Ol täjini bäsleşik üçin aňryçäk ýaşda – 28 ýaşynda aldy.
