«iPhone 15 Pro» we «15 Pro Max» smartfinlarynda alty sany grafiki ýadrosy we reýtreýsing tehnologiýasy bolan iň soňky «A17 Pro» prosessory ornaşdyryldy, bu bolsa olarda hatda iň soňky wideo oýunlaryny hem konsol hilli grafika bilen oýnamaga mümkinçilik berýär.
«iPhone 15 Pro» we «15 Pro Max» smartfonlarynyň oýun mümkinçiliklerini görkezmek üçin «Apple» oýun studiýalaryndan «Death Stranding» (2019), «Resident Evil 4» (2023) we «Resident Evil Village» (2021) ýaly häzirki zaman taslamalaryny iOS-a geçirmegi haýyş etdi. Bu oýunlaryň hemmesi 2023-nji ýylyň ahyryna çenli App Store-da elýeterli bolar. Soň bolsa, 2024-nji ýylyň birinji ýarymynda «Assassin's Creed Mirage» beýleki oýun platformalary bilen birlikde «iPhone» üçin çykarylar.
«Apple» 2023-nji ýylyň 12-nji sentýabrynda «iPhone 15 Pro-ny» we «15 Pro Max-y» tanyşdyrdy. Täze önümleriň esasy aýratynlyklarynyň biri hem ýokarda agzalan «A17 Pro» prosessordyr. «A17 Pro» üç nanometrlik tehproses boýunça döredilen dünýäde ilkinji çip boldy. «Apple-da» bellenilişi ýaly, munuň özi «iPhone 15 Pro-ny» we «15 Pro Max-y» dünýäniň iň güýçli oýun smartfonlaryna öwürmäge mümkinçilik berdi.
«Apple-iň» täze smartfonlary 22-nji sentýabrda satuwa çykarylar. Şeýle-de bolsa, käbir ýurtlarda täze smartfonlary öňünden sargyt etmek mümkindir.
