Gazagystanyň milli ýygyndysy 2024-nji ýylda geçiriljek Ýewropa çempionatynyň saýlama ýaryşynyň toparçalaýyn tapgyrynyň altynjy aýlawynda Demirgazyk Irlandiýanyň milli ýygyndysyndan üstün çykdy.
Duşuşyk Astana şäherindäki «Astana Arena» stadionynda geçirildi we Mihail Adiýewiň tälimçilik edýän toparynyň peýdasyna 1:0 hasabynda tamamlandy.
Ýeňijileriň düzüminde oýnuň ýeke-täk goluny 27-nji minutynda «Aktobe» toparynyň 21 ýaşly hüjümçisi Maksim Samorodow tora girizdi, oňa «Astananyň» 30 ýaşly goragçysy Abzal Beýsebekow ýardam pasyny berdi.
Bu oýundan soň Gazagystan 12 utuk toplap, «H» toparçasynyň sanawynda ikinji orna çykdy, bu bolsa oňa indiki ýyl Germaniýada geçiriljek sebitleýin çempionata gönüden-göni gatnaşmaga hukuk berýär.
Demirgazyk Irlandiýa bolsa alty oýundan soň üç utuk toplamagy başardy. «H» toparçada Finlýandiýanyň milli ýygyndysy birinji orny eýeleýär, toparyň 12 utugy we ätiýaçda ýene bir oýny bar.
Indiki oýunda gazagystanlylar Daniýanyň milli ýygyndysyna garşy oýnarlar, duşuşyk 14-nji oktýabrda Kopengagendäki «Parken» stadionynda geçiriler.
