Hans-Diter Flik Germaniýanyň futbol boýunça milli ýygyndysynyň baş tälimçisi wezipesinden boşadyldy. Bu barada German futbol birleşiginiň (DFB) Metbugat gullugy habar berýär.
Şeýle hem onuň kömekçileri Markusr Zorg we Danni Rýol boşadyldy.
"Germaniýanyň milli ýygyndysy soňky görkezen netijelerinden soň, täze itergä mätäç - diýip, Metbugat gullugy DFB-niň prezidenti Bernt Noýendorfyň sözlerini getirýär.
Baş tälimçiniň wezipesini Rudi Fýoller ýerine ýetirer.
Germaniýanyň milli ýygyndysy ýer eýesi hökmünde Ýewro-2024 çempionatyna gatnaşar. Şonuň üçin hem olar saýlama tapgyra gatnaşmaýarlar. Mart aýynda ýoldaşlyk duşuşygynda Germaniýanyň Perudan gazanan ýeňşi nemes ýygyndysynyň iň soňky ýeňşidir. Şondan bäri, nemesler Belgiýadan (2:3), Polşadan (0:1), Kolumbiýadan (0:2), Ýaponiýadan (1:4) ýeňildi, şeýle hem Ukraina bilen deňme-deň oýnadylar (3:3).
