Wenesiýa film festiwalynyň baş baýragyny — “Altyn ýolbarsy” gresiýaly režissýor Ýorgos Lantimosyň “Garyplar-betbagtlar” filmi aldy. Dabara Wenesiýa film festiwalynyň twitterinde ýaýlyma berildi. Ýeňijileriň sanawy festiwalyň web sahypasynda çap edildi.
“Kümüş ýolbars” – Eminleriň Gran-pri baýragy ýaponiýaly režissýor Rýusuke Hamagutiniň “Ýamanlyk ýok” filmine gowşuryldy.
Italiýaly režissýor Mateo Garroneniň “Men - kapitan” filmi iň gowy režussura üçin “Kümüş ýolbars” baýragyna mynasyp boldy.
Mişel Frankonyň “Ýatlama” filmindäki keşbi üçin Piter Sarsgaard iň oňat aktýor, Sofiýa Koppolanyň “Prissilla” filmindäki keşbi üçin Keýli Speni iň oňat aktrisa baýragyny aldylar.
Iň oňat ssenariýanyň baýragy çilili režissýor Pablo Larrainiň “Graf” filminiň edebi ýazgysy üçin Pablo Larrain bilen Gilýermo Kalderona berildi.
Emin agzalarynyň ýörite baýragy polşaly kinorežissýor Agnişka Hollandyň “Ýaşyl serhet” filmine berildi.
