«Samsung» meşhur dizaýner Tom Braun bilen bilelikde «Galaxy Z Fold 5» smartfonynyň we «Galaxy Watch 6» sagadynyň lýuks toplumyny tanyşdyrdy. Lýuks toplum çäkli möçberde, enjamlar üçin dürli esbaplary öz içine alýan ajaýyp portfelde satuwa çykarylar diýip, GSMArena portaly habar berýär.
«Samsung Galaxy Z Fold 5 Thom Browne» smartfony aýna gurluşly hem-de «Braun» moda brendine mahsus bolsan gyzyl, ak we gök zolakly arka paneli bilen üpjün edildi, kameranyň çarçuwasy we halkasy altynsow reňkde taýýarlanyldy. Üýtgeşmeler alýan «One UI» ulgamynda-da girizildi, onda özboluşly animasiýalar we ykjam goşundylaryň nyşanlary peýda boldy. Smartfonyň ýanyna iki sany deri daşlyk we deri daşlygy bolan «S Pen» stilusy goşulýar.
«Galaxy Watch 6 Thom Browne» akylly sagady bolsa brendiň nyşany nagyşlanan altyn çaýylan korpusy bilen tapawutlanýar. Toplumda gara reňkli we «Thom Browne» reňkindäki zolakly iki sany deri gaýyş hem bar. Şeýle hem topluma sagat üçin elektrik üpjünçiligi blogy, kabel we magnitli zarýad beriji girýär.
Aýratyn lýuks toplumy käbir bazarlarda çäkli möçberde satuwa çykarylar. Moda toplumynyň resmi bahasy yglan edilmedi, ýöne onuň bahasynyň 3219 dollar boljakdygy çaklanylýar.
